"وزير الرياضة يوافق على إقامة الدورة الأولى للجامعات الأفريقية"

مناقشة مسلسل "La casa de papel".

 كتب:-مروان حازم

• عزيزي الجامد، مناقشة النهاردة عن الغنى عن التعريف "La casa de papel".

• النهاردة نزل أول جزء من الموسم الاخير والى هو ٥ حلقات و المفروض الجزء التانى برضو ٥ حلقات وهينزل يوم (٣ ديسمبر) الجاى.

• المسلسل كالعادة محافظ على طريقته المعروفه فالضغط العصبى الممتع إلى بيخليك تفتح كل حلقة بعد نهاية الى قبلها.

• أداء التمثيل جامد من كل الكاست بجد، من كل حد طلع على الشاشة طلع أداء حلو بصراحة و عجبونى اوى.

• المخرج عرف يضيف حاجات فالأحداث بطريقة تعتبر منطقية ومتحسهاش محطوطه بعشوائية ملحوظه.

• المسلسل حصل فيه تطور فكل حاجة، من أداء اكشن عادى لأنه بقى أداء اكشن مبهر بصريًا وممتع حركيًا، تصاعد رتم احداث فوق الوصف كل حاجة بقت خارجة عن التوقعات لدرجة أن ممكن نقول إن الجزء ده احسن جزء اتعمل فالمسلسل كله لغاية دلوقتي، احداث و اداء و رتم أقل ما يتوصف بيه بأنه مجنون ممتع.

• الفلاش باك اتباعًا لاحداث الموسم الرابع كان بايخ وفصيل برضو، وده يتشفعله بحاجة واحده بالنسبالي أنه يكون ليه أهمية فالجزء التاني، لو طلع غير كده هيبقي حلب و مط ملهوش أي لأزمة ودي حاجه هتوقع من تقييم المسلسل بالنسبالي.

• المخرج كان صرح من سنة وقال إن "المسلسل هيبقى صاحب اكتر نهاية سوداوية فالمسلسلات"، من ساعتها والناس بقت تحط احتمالات كتيرة وانا حقيقي كنت مستني اشوف طريقة المخرج فالنهاية هتبقى ازاي؟

لكن الحقيقية من الجزء ده ولد يبان قصده النهاية هتبان ازاي، والى معموله بأحداث منطقية ومن غير كروته، لكن كان فى حاجه حصلت فالحلقة الاخيره معرفتش اعديها، قوانين الفيزياء الحركية و المنطق منظمة اتضرب فالقطة دي بس عادي هنعديها .

• الاغانى الى ظهرت فالمسلسل كلها جامده، واختيارات هايله ومع طبعا الساوند تراك إلى متعودين عليه، ميكس جامد.

• من الحاجات المستفزة اوى حوار الجزئين ده، بجد مستفز هو اكيد عشان الدعاية وياخدوا فلوس وهكذا، لكن مستفز ولو الجزء التاني مجاش على المتوقع هتبقى نقطة سودا جدا فالمسلسل و هتوقع تقيمة.

• المسلسل واخد تقييم (8,3/10) على موقع imdb.

بالنسبة لتقيمي (٩/١٠).

المسلسل فالعموم غير صالح للمشاهدة العائلية لكن الجزء ده مفهوش حاجه بنسبة كبيرة.

#aflamyaat

#LCDP5

#La_Casa_De_Papel

#أخبار_العالم

#The_Universe_of_News