كتب:-مروان حازم
تدقيق:-سارة فارس
مناقشة من "أفلاميات"
• عزيزي الجامد، كان بقالي فترة فاقد شغف اني اتفرج علي أي حاجة جديدة لغاية ما شوفت بوست ترشيح من حد عزيز عليا جدًا وقررت فاجأه اشوفه.
• المسلسل تبع سلسلة أفلام الى بيقوم بدورها (توم هانكس) صاحب الثلاثية المعروفة، لكن بسبب انشغال (توم هانكس) قرروا أنهم يستبدلوا البطل ببطل تاني مع شوية حاجات توائم الأحداث زي أنهم خلوا البطل شخصية فمرحلة الشباب وهكذا.
• المسلسل من بطولة (Ashley Zukerman اشلي زوكرمان) وبيشاركه (Valorie Curry ڤالوري كاري) ومن إخراج المخرج إلى بحبه شخصيًا (Ron Howard رون هاورد) ومعاه المخرج ( Mark Romanek مارك رومانيك).
• نتكلم بقى عن القصة؛ قصة مسلسلنا بتحكي في محيط من مغامرات (روبرت لنجدون) بيلاقي نفسه فى ألغاز كتيرة ناتجه عن اختطاف مُعلمه (بيتر سليمان) والي بيحاول ينقذه وبتبدأ أحداث المسلسل.
• المسلسل مأخوذ من رواية بنفس الأسم لـ "دان براون".
• المسلسل شغال في إطار تحقيق وألغاز ممتعة والى ظهرت فأول حلقتين - بالمناسبة المسلسل ١٠ حلقات ونزل منه حلقتين بس؛ كل اسبوع حلقة- وبتمني الاستمرار على التيمه دي لباقي الحلقات.
• أداء التمثيل لـ (اشلي) ممتع جدًا وانت بتتفرج عليه ويديك شعور كانك بتتفرج على (بندكت كمبرباتش) فدور "شيرلوك"، وباقي الكاست لذيذ، وحابب اخصص الاتنين دول ( Beau Knapp بو كناب) و (Keenan Jolliff كينان چوليف) الاتنين مثلوا دور شخصية واحدة ولكن عملوها بطريقة ممتاز فشخصية الشرير.
• أحداث القصة ممتعة ولما تخلص اول حلقه هتدخل فالتانيه على طول؛ خصوصًا الأحداث و المعلومات التاريخية التابعة الم*اسوان* والأحداث العامة التاريخ إلى بتتذكر حلوة وممكن تشدك انك تروح تقرأ عنها.
• الساوند تراك ممتاز و اختيار موفق من أصحاب العمل الحقيقة.
• نقل الأحداث من الماضى للحاضر بطريقة من غير توهان، ونقل المواقع التابعه للحدث مترابطة بشكل كبير بطريقة حلوة.
• مستني جدًا باقي الحلقات وهكمل باقي المناقشات بتاعتهم بحرق احداث بسيطة الفترة الجايه.
• المسلسل واخد تقييم (7/10) على موقع imdb.
بالنسبة لتقيمي لغاية دلوقتي على اول حلقتين ٧,٥/١٠ مستني ارتفاع في رتم الاحداث وده المتوقع جدًا.
#The_Lost_Symbol
#افلاميات
#aflamyaat
#أخبار_العالم
#The_Universe_of_News
تعليقات
إرسال تعليق