خطوات نحو المستقبل: انطلاق ماراثون القاهرة الحضري من تنظيم متطوعي وزارة الشباب والرياضة YLY

 مناقشة فيلم ماما حامل

 كتب:-مروان حازم

تدقيق:-سارة فارس

المناقشة مقدمة من"أفلاميات"

• عزيزي الجامد، مناقشة النهارده عن فيلم "ماما حامل" (بدون حرق).

• الفيلم كان نزل مع فيلم "للإيجار" وللأسف برضو محققوش الإيرادات المتوقعة مع أنه فيلم جميل الحقيقة.

• الفيلم من إخراج (محمود كريم) والى نزل السنة دي بفيلم "احمد نوتردام" ومن بطولة (ليلى علوي) و (بيومي فؤاد) و بيشاركهم (محمد سلَّام) ومعاهم ( حمدى المرغني).

• قصة فيلمنا من غير حرق بتحكي عن: في إطار كوميدي بنشوف (باسم) و (عاصم) الأخوات إلي كل واحد مهتم بحاجة معينه و رافضين فكرة الجواز، وبيجي (كامل) و (سمية) أبوهم و أمهم، يفاجئوهم بأن امهم حامل، وبتبدأ الأحداث.

• الأداء التمثيلي من (محمد سلَّام) و (حمدى المرغني) جميل ولذيذ وكوميديا مواقف و إيفهات خفيفه ومتناسقة مع الحدث ومش كتيرة لدرجة الفصل من الأحداث، (بيومي فؤاد) و الكوميديا بتاعته الى كل مره بتبقى احلى من الى قبلها، و(ليلي علوى) إلى كنت مقلق من الفيلم عشان أداءها لكنه طلع فالحقيقة لذيذ برضو.

• الإخراج السهل الممتنع البسيط إلى متحسش بمجهود مبذول فيه عشان يبرز قدرة ولا حاجه.

• القصة لذيذه فيها فكرة تُحترم مع أن ممكن في ناس تقفش الموضوع عادي، لكنه القصة حلوه.

• التصوير، الكادرات حلوه و الالوان كمان حلوه، زاهيه وتشد العين.

• الفصل الأول من الفيلم إلى كان مُمل حبه، لكن باقى الفصول حلوة الحقيقه.

• الكوميديا كلها فعالة لأخر لقطة في الفيلم والى حقيقي ضحكتني طول الفيلم.

• تطور الشخصيات كان شبه متوقع لطبيعة اعمال الدراما المصرية إلى مبتتغيرش من زمان، لكنها مقبوله واتعملت حلو.

• الفيلم جميل كوميدي خفيف وبرشحة لسهره عائليه لذيذة.

• تقييمي الفيلم (٧,٥/١٠).

#ماما_حامل

#افلاميات

#aflamyaat

#أخبار_العالم

#The_Universe_of_News