"وزير الرياضة يوافق على إقامة الدورة الأولى للجامعات الأفريقية"

مناقشة فيلم للإيجار

 كتب:-مروان حازم

تدقيق:-سارة فارس

• عزيزي الجامد، مناقشة فيلمنا النهاردة عن فيلم "للإيجار".

• من بطولة ( خالد الصاوي ) و معاه ( محمد سلَّام ) وبيشاركهم بظهور خفيف ( شيري عادل) مع مجموعة من ضيوف الشرف الجُمال.

من إخراج وتأليف ( إسلام بلال) والى جدير بالذكر أنه أول عمل روائي طويل ليه وهنتكلم عن إخراجه قدام.

• حدوتة فيلمنا النهاردة من غير حرق بتحكي عن: صاحب شقة (خالد الصاوي) عارض شقته للإيجار وبيستقبل مُستأجرين، وبيجي بطل فيلمنا ( محمد سلَّام ) وبتبدي أحداث الفيلم.

• فـ وصف الفيلم مكتوب أنه كوميدي والى هو مش تصنيفه الأول الرسمي لكن الكوميديا إلى كانت موجوده كانت فعالة جدا وبناءًا على مواقف مش إيفهات حتى الإيفهات إلى كانت موجودة كانت جايه من مواقف.

• فصول الفيلم متوزعة الى حدا ما مظبوط؛ مع استمرار حالة الغموض لغاية اخر الفيلم إلى محستهاش بصراحة كان ممكن تتكتب بطريقة تخليها توثيقيه أو مُلازمة لمنطقية الأحداث اكتر من كده.

• الفيلم من اول مشهد حرفيا بأول ظهور لـ ( خالد الصاوي ) هايل، تمثيله بجد مش عارف اوصفه، حقيقي أداءه مُبهر بطريقة تخيلك متعرفش تتخيل حد يعرف يمثل الدور ده غيره، ( محمد سلَّام ) من دلوقتي المخرجين هيبدأوا يفكروا فيه لأدوار غير الكوميديا وهيعرف يأدي فيهم بطريقة بسيطة وجميلة.

• إخراج الفيلم كبداية مُخرج متحسش بغلطات ساذجة الفيلم فالبسيط السهل الممتنع، من غير فزلكة ابرازية للقدرات؛ بالعكس السهل الممتنع جدًا.

• حابب أعيد تاني، اداء ( خالد الصاوي ) مبهر أوى ياجماعة بجد.

• الساوند تراك ولأول مره هقولها تقريبًا!

وجوده كان كتير فأوقات كان ممكن تعدى عادي؛ لكن كان ساوند عظيم ، وفالمشاهد المهمة كان جامد جدًا جدًا جدًا.

• استغلال الاغاني كان جامد مع وقت حدوث المواقف، مع طبعا حلاوة الاغاني القديمة الجميلة.

• الفيلم معروض على منصة شاهد، والى مؤخرًا فعليًا بقت تعرف تستثمر شُغل بطريقة يديها شعبية صح و اعمال جيدة.

• تالت، ( خالد الصاوي) وجماله و روحه الطاغية على أداءه إلى قريب من كل شخصية، صاحب قهوة، جار، زوج، وكمان حبيب.

كان هايل.

• تقيمي للفيلم هياخد ٨,٥/١٠.

برشحة للناس إلى حبت فيلم "فوت كوبي" و أفلام كلاسيكيه هادية.

#للإيجار

#Forrent

#aflamyaat

#أخبار_العالم

#The_Universe_of_News