خطوات نحو المستقبل: انطلاق ماراثون القاهرة الحضري من تنظيم متطوعي وزارة الشباب والرياضة YLY

مناقشة فيلم "The Guilty".

 كتب:-مروان حازم

تدقيق:-سارة فارس

"المناقشة مقدمة من افلاميات"

• عزيزي الجامد، مناقشة فيلم النهارده "The Guilty" (بدون حرق).

• فالبداية الفيلم Remake لفيلم دينامركي بنفس الأسم اتعمل سنة (2018)؛ وده الي صرح بيه مخرج الفيلم.

• قصة الفيلم من غير حرق بتحكي عن: ظابط تم تخفيض رتبته وأصبح ظابط مكالمات طوارئ؛ فى إحدى المكالمات الطوارئ يتلقى فيها مكالمة من سيدة مخطوفة تستغيث به، وبتبدأ أحداث الفيلم.

• الفيلم من إخراج (انطوان فوكوا Antoine Fuqua) الى تقريبا مفيش فيلم عمله محبناهوش، سواء مع بطل فيلمه النهارده او مع (دنزل واشنطن Denzel Washington).

أما عن فيلمه النهارده فمن بطولة (چاك چلينهال Jake Gyllenhaal).

• طبعاً لازم اتكلم عن أداء (چاك) الهايل، الراجل ده يجماعة حوار بجد، من احسن الاداءات الفردية الى شوفتها فحياتي.

عرف يتقمص الشخصية جدًا كعادته، وعمل ميكس من ناحية دور الأب، الظابط، الصاحب، الراجل المتهور، كل دول عملهم بطريقة حلوه جدًا.

• الإخراج حلو، زوايا عرض ريأكشن (چاك) معمولة بطريقة تحسسك بالحالة الى كان بيمر بيها من توتر، حزن، انفعال، وكمان الإرهاق.

• التصوير الكادرات مع ان ٩٥٪ من أحداث الفيلم فمكان واحد بس الكادرات متاخده بطريقة حلوه وابرازية للقدرات والامكانيات التمثيلية والعوامل كانت مساعده ده بطريقة حلوة.

• الفصل التاني من الفيلم هو الى كان أكثر هدوءًا في رتم الاحداث مع أنه كان فيه انفعالات.

• من نص الفصل التالت لأخر الرابع، بدأ الانفعالات الدرامية المؤثرة، وتصاعد رتم الأحداث الفعلي مع الصدمات ومن بعدها الخيبة كل ده كان جنون ممتع فالفيلم.

• الفيلم واخد تقييم (6,2/10) على موقع imdb.

بالنسبة لتقيمي الفيلم هديله (٨/١٠).

• الفيلم برشحه للناس إلى بتحب افلام الاماكن الواحده و الأداء الفردي وكمان افلام التوتر وحبس الأنفاس.

#aflamyaat

#أخبار_العالم

#The_Universe_of_News